يىراقنى كۆرەلمەيدىغانلار تاتلىق يېمەكلىكلەرنى يېمەسلىكى كېرەك

يېقىنقى يىللاردىن بۇيان, كۆپلىگەن ياش _ ئۆسمۈرلەر يىراقنى كۆرەلمەسلىك كېسىلىگە گىرىپتار بولۇپ, ئۆگىنىشتە قىينالماقتا. يىراقنى كۆرەلمەسلىك كېسىلىگە گىرىپتار بولغان كىشىلەرنىڭ ﮬازىرقى كۆرۈش قۇۋۋىتىنى ئاسراپ قېلىشى ئىنتايىن مۇﮬىم. كىشىنى ئەنسىرتىدىغىنى شۇكى, ياش _ ئۆسمۈرلەرنىڭ تولىسى پېچىنە _ پىرەنىك قاتارلىق تاتلىق يېمەكلىكلەرنى يېيىشكە بەك ئامراق, بىراق بۇ, يىراقنى كۆرەلمەسلىك كېسىلىگە گىرىپتار بولغانلارنىڭ كېسىلىنى ئېغىرلاشتۇرۋېتىدۇ.
ياپونىيە مەكتەپلەردىكى يىراقنى كۆرەلمەسلىك كېسىلىدىن مۇداپىئە كۆرۈش كومىتېتلىرىنىڭ تونۇشتۇرۇشىغا قارىغاندا, تاتلىق يېمەكلىكلەر يىراقنى كۆرەلمەسلىك كېسىلىنىڭ تەرەققىي قىلىشىنى تېزلىتىپ, كېسەلنى ئېغىرلاشتۇرۋېتىدىكەن. چۈنكى, قەنت بەدەندە ئالماشقاندا كۆپ مىقداردا ۋىتامىن B1 غا ئېھتىياجلىق بولىدىكەن, ئەگەر قەنت بەك كۆپ قوبۇل قىلىنىپ كەتسە, ۋىتامىن B1 يېتىشمەي قالىدىكەن, ئۇنىڭدىن قالسا, قەنت بەك كۆپ قوبۇل قىلىنىپ كەتسە, ئادەم بەدىنىدىكى كالتسىي ئازىيىپ كېتىدىكەن, بۇنىڭ بىلەن كۆز ئالمىسىنىڭ ئېلاستىكىلىق كۈچى ئاجىزلاپ كېتىپ, تېخىمۇ يىراقنى كۆرەلمەيدىغان بولۇپ قالىدىكەن. شۇڭا, شۇنداق تەكلىپ بېرىمىزكى, يىراقنى كۆرەلمەسلىك كېسىلىگە گىرىپتار بولغان كىشىلەر تاتلىق يېمەكلىكلەرنى ئامالنىڭ بارىچە ئازراق يېيىشى, ﮬەمىشە ئاق تۇرۇپ, سەۋزە, تەرخەمەك, ماش ئۈدۈرمىسى, يېشىل سەي, سۇڭپىياز, قارا ئاشلىق ۋە كۈنجۈت قاتارلىقلارنى يەپ بېرىشى كېرەك.